Книга Летапісная Літва. Сваяцтва і лёс (кніга-пошук)

Ужо даўно ідуць спрэчкі аб паходжанні беларускага этнасу і аб той тэрыторыі, дзе калісьці жылі нашы продкі. У спрэчках сутыкаюцца процілеглыя меркаванні. Адны сцвярджаюць, што беларусы — першапачаткова славяне, іншыя пярэчаць — "не, балты!", трэція займаюць прамежкавую пазіцыю: продкамі беларусаў былі балты, якіх "расчынілі" ў сваёй масе славяне, калі прыйшлі на нашы землі. Аўтар кнігі лічыць, што продкі беларусаў — не балты, не славяне, нават не балта-славяне, а угра-фінскія плямёны, роднасныя сучасным пермякам, марыйцам і мардоўцам! Галоўны метад яго доказаў — лінгвістычны аналіз асабістых імёнаў, гідронімаў, тапонімаў і "базавай" лексікі. Гэта не значыць, што трэба адспрэчыць усе іншыя тэорыі. Але неабходна пазнаёміцца з ідэямі Ласкова, параўнаць са сваімі перакананнямі. Бо ісціна нараджаецца ў сутыкненні навуковых канцэпцый.